ઉત્તરપ્રદેશના ભૂતપૂર્વ મુખ્ય મંત્રી અખિલેશ યાદવની સમાજવાદી પાર્ટી જેણે લોકસભાની ચૂંટણીના પરિણામોમાં સૌથી વધારે ધ્યાન ખેંચ્યું છે. કૉંગ્રેસ સાથે ગઠબંધન કરી 37 બેઠક પર જીત મેળવી સપા દેશની ત્રીજા નંબરની પાર્ટી બની ગઈ છે. અખિલેશ યાદવ પોતે કન્નૌજથી જંગી મતોથી જીતીને લોકસભામાં પહોંચ્યા છે. સમાજવાદી પાર્ટીનાં વડા અખિલેશ યાદવે I.N.D.I.A ગઠબંધન સરકાર બનાવવાની આશા વ્યક્ત કરી હતી. પત્રકારોના પ્રશ્નોના જવાબ આપતા તેમણે કહ્યું હતું કે, લોકશાહીમાં જ્યારે ગણતરી થાય છે ત્યારે આશા અને અપેક્ષાનો ક્યારેય અંત આવતો નથી. I.N.D.I.A ગઠબંધન બહુમતીથી દૂર છે, કારણ કે તેના ખાતામાં 234 બેઠકો આવી છે. લોકસભામાં બહુમતી માટે 272 બેઠકો જરૂરી છે. જોકે હજુ પણ તેમણે સરકાર બનાવવાની આશા છોડી નથી.

એનડીએને 293 અને ભાજપે 240 બેઠકો જીતી છે. આ પછી પણ રાજકીય વર્તુળોમાં ચર્ચા ચાલી રહી છે કે એનડીએનું પુનરાગમન મુશ્કેલ બની શકે છે. એનડીએમાં સામેલ ટીડીપી અને જેડીયુના કારણે આવી વસ્તુઓ થઈ રહી છે, કારણ કે આ બંને પાર્ટીઓનો બેકફાયરિંગનો ઈતિહાસ છે. હાલમાં TDP પાસે 16 અને JDU પાસે 12 બેઠકો છે. ઈન્ડિયા એલાયન્સના નેતાઓ બંને પક્ષોને પોતાની તરફ લાવવાની વાત કરી રહ્યા છે. જેના જવાબમાં અખિલેશે કહ્યું કે, મેં તમને પહેલા જ કહ્યું છે કે, લોકોને ખુશ કરીને સરકારો બનાવવામાં આવે છે, તેથી અન્ય કોઈ પણ તેમને ખુશ કરી શકે છે.

INDIA ગઠબંધનની બનશે સરકાર? અખિલેશ યાદવે આપ્યા આ સંકેતઆના પર અન્ય એક પત્રકારે પૂછ્યું કે, શું તમને હજુ પણ આશા છે કે સરકાર બનશે? અખિલેશ યાદવે કહ્યું કે, ‘જ્યારે લોકશાહીમાં ગણતરી થાય છે, ત્યારે આશા અને અપેક્ષા ક્યારેય ખતમ ન થવી જોઈએ. આશા હંમેશા બની રહેવી જોઈએ’. આ સાથે જ અખિલેશ યાદવે અગ્નિવીર યોજના અંગે પણ વાત કરી અને કહ્યું કે, સમાજવાદી પાર્ટી આ સિસ્ટમને ક્યારેય સ્વીકારી શકે નહીં. આ ખુશીની વાત છે કે, આ વખતે વિપક્ષ મજબૂત હશે. આ વખતે વિપક્ષનો અવાજ દબાવવામાં નહીં આવે. ઘણા મહત્વના પ્રશ્નો છે જે જનતા સમક્ષ રજૂ કરવામાં આવ્યા હતા. સૌથી મોટો પ્રશ્ન અગ્નિવીર નોકરીઓનો છે. સમાજવાદી પાર્ટી અગ્નિવીર પ્રણાલીને ક્યારેય સ્વીકારશે નહીં.