સલામત સવારી એસ.ટી ની મુસાફરી નવસારી બીલીમોરા બસ માં સવાર મુસાફરો ને જોખમી થઈ પડી હતી. જ્યાં બીલીમોરા થી નીકળેલી એક એસ.ટી બસ નવસારી પહોંચતા ની સાથેજ તેનો ચાલક નશા ની હાલતમાં ઝડપાયો હતો જેને લઈ મામલો પોલીસ મથકે પહોંચ્યો હતો.

નશા ની આદત અથવા વ્યસન ક્યારેક મોટી આફત ને નોતરું આપવા બરાબર સાબિત થાય છે. ત્યારે આવી જ કંઈક સ્થિતિ નું સર્જન નવસારી બીલીમોરા બસ માં સવાર મુસાફરો જોડે થયું હતું. જ્યાં આ બનાવ શુક્રવાર મોડી સાંજ નો છે. જ્યાંરે બીલીમોરા ખાતે થી એસ.ટી બસ નો ચાલક અને કંડકટર મુસાફરો ને લઈ નવસારી આવવા રવાના થયા હતા.તે દરમિયાન બસ ના ચાલકે ગફલતભરી રીતે બસ બેફામ હંકારી હતી.વારમવાર રોડ ની નીચે બસ ઉતરી જવા સુધી માંડ સ્ટેયરિંગ ઉપર કાબુ રાખી શકતા ચાલકે કલમઠા ગામ નજીક બાઇક સવાર ને અડફેટે લઈ અકસ્માત પણ કર્યો હતો.જેને લઈ મુસાફરો માં ભય નો માહોલ સર્જાયો હતો.

જોકે મુસાફરો એ કંટ્રોલ રૂમ ને બસ ચાલક ની અતિ ગંભીર વર્તણુક અંગે ફરિયાદ કરી હતી.તે દરમિયાન બસ નવસારી ડેપો ખાતે પોહચી હતી. જ્યાં ફરજ ઉપર હાજર ડેપો મેનેજરે મુસાફરો ની ફરિયાદ ના આધારે બસ ચાલક નું બ્રિથ એનેલાઈઝર વડે પરીક્ષણ કર્યું હતું. જેમાં એસ.ટી. બસ ચાલકે કોઈ નશીલા પદાર્થ નું સેવન કર્યું હોવાનું સ્પષ્ટ થયું હતું. જેને લઈ ડેપો મેનેજરે આ બેવડા એસ.ટી.બસ ચાલક ને ટાઉન પોલીસ મથક નો રસ્તો બતાવી દીધો હતો. જ્યાં હાલ આ મામલે ટાઉન પોલીસે આગળ ની કાર્યવાહી હાથ ધરી છે.