સુરત મહાનગર પાલિકાનાં સ્માર્ટ સિટી ડેવલપમેન્ટ લિ. દ્વારા અઠવાલાઇન્સ પોલિસ પરેડ ગ્રાઉન્ડ ખાતે તા.૯-૪-૨૦૨૩ના રોજ મહિલાઓ માટે ‘સુરત સાડી વોકેથોન’ યોજાશે. ‘વોક ફોર યોર હેલ્થ ઇન સિક્સ યાર્ડસ ઓફ એલિગન્સ’ના થીમ પર આધારિત અનોખી વોકેથોનમાં સમગ્ર સુરત જિલ્લાની તમામ સરકારી કચેરીઓની મહિલા કર્મચારીઓ ભાગ લેશે. સવારે ૬:૩૦ વાગ્યે પોલિસ પરેડ ગ્રાઉન્ડથી શરૂ કરી અઠવાલાઇન્સના જાની લોચા હાઉસ સુધીના ૩ કિ.મીની સાડી વોકેથોનમાં ભાગ લેવા મહિલાઓએ https://www.suratmunicipal.gov.in/ વેબસાઇટ ઉપર ઓનલાઈન રજીસ્ટ્રેશન કરાવવાનું રહેશે.