રાષ્ટ્રની એકતા અને અખંડિતતાના શિલ્પી સરદાર વલ્લભભાઈ પટેલના જન્મદિન નિમિત્તે “રાષ્ટ્રિય એકતા દિવસ” ની ઉજવણી કરવામાં આવે છે. જે કાર્યક્રમ અંતર્ગત આજરોજ તારીખ ૨૯ ઓક્ટોબરના રોજ વહેલી સવારે ૭ કલાકે ડાંગ જિલ્લાના મુખ્ય મથક આહવા ખાતે ‘રન ફોર યુનિટી’ કાર્યક્રમનું આયોજન કરવામાં આવ્યું હતું. જિલ્લા કલેક્ટર શ્રી મહેશ પટેલ તેમજ અધિક કલેક્ટર શ્રી બી.બી. ચૌધરીએ ગાંધી ઉદ્યાન ખાતે થી ‘રન ફોર યુનિટી’ દોડને લીલી ઝંડી આપી હતી. જે દોડ ગાંધી ઉદ્યાન થી શરૂ થઇ આહવાના ફુવારા સર્કલ – ડાંગ સ્વરાજ આશ્રમથી જિલ્લા કલેક્ટર કચેરી ખાતે પુર્ણ થઇ હતી. “રાષ્ટ્રિય એકતા દિવસ” ની ઉજવણી અંતર્ગત યોજાયેલ ‘રન ફોર યુનિટી’ કાર્યક્રમમાં રાષ્ટ્રીય એકતાની શપથ ગ્રહણ કરવામાં આવી હતી.