ડાંગ જિલ્લાના આહવા ખાતે કલેક્ટર કચેરીના સભા ખંડમાં ડાંગ કલેક્ટર શ્રી મહેશ પટેલના અધ્યક્ષ સ્થાને જિલ્લા માર્ગ સલામતી સમિતિની બેઠક યોજાઇ હતી. જેમાં માર્ગ સલામતિ અંગે શાળાઓમાં સેમિનાર યોજવા, CPR ની તાલીમ આપવી તેમજ વ્યાપક પ્રમાણમાં જિલ્લાના નાગરીકોને માર્ગ સલામતિ અંગે જાગૃતિ ફેલાય તે હેતુસર, સોશિયલ મિડિયા મારફતે શોર્ટ ફિલ્મ અને તેમજ પોસ્ટરો દ્વારા પ્રચાર પ્રસાર કરી લોકોમાં જાગૃતિ ફેલાવા માટે જિલ્લા કલેક્ટર શ્રી મહેશ પટેલે બેઠકમાં જણાવ્યું હતું. સાથે જ જિલ્લાનાં જુદાં જુદાં માર્ગો પર આવેલ સંભવિત અકસ્માતના પોઈન્ટ વિષે તપાસ અહેવાલ રજુ કરીને તેના પર ચર્ચા કરવામાં આવી હતી. આ ઉપરાંત પ્રવાસન સ્થળોએ અને માર્ગોમાં અકસ્માત નિવારવા માટે સાઈન બોર્ડ, માર્કિંગ, લાઈટીંગ વગેરે સત્વરે સુનિશ્ચિત કરવા સંબંધિત વિભાગ માર્ગ અને મકાન સ્ટેટ/પંચાયતને સૂચના આપવામાં આવી હતી.