નવસારી ટાઉન પોલીસ સ્ટેશનમાં નોંધાયેલી ગુમ જાણવા જોગ નં.૩૪/૨૦૨૩ના કામે ગુમ થનાર સરસ્વતીબેન પ્રદીપકુમાર મુલચંદ જોધવાની ઉ.વ.૩૩ અને તેમની નાની દીકરી આરોહી ઉર્ફે મોહિની ઉ.વ.૮ માસ રહે.ઘર નંબર ૨૦ શ્રી પાર્ક સોસાયટી  છાપરા રોડ જિ. નવસારી ગઇ તા.૨૬/૦૬/૨૦૨૩ના રોજ બપોરે ૧:૦૦ કલાકે ઘરેથી પોતાની મોટી દીકરી પ્રિયલના ટયુશન ક્લાસમાં રાખવામાં આવેલ પેરેન્ટસ મીટીંગમાં જાઉં છું કહીને દીકરી સાથે ક્યાક જતા રહેલ છે.

જે બાબતે જાહેરાત આપનાર પોતાના સગા સંબંધીને ત્યા તપાસ કરતા આજ દિન સુધી શોધ ખોળ કરતાં મળી આવેલ નથી. ગુમ થનાર સરસ્વતીબેન પ્રદીપકુમાર મુલચંદ જોધવાનીએ શરીરે ગ્રે કલરનું જીન્સ પેન્ટ તથા મરુન કલરનું ટોપ તથા બ્લુ કલરનો દુપટ્ટો પહેરેલ છે, શરીરે મજબુત બાધો, વાને ઘઉં વર્ણ છે અને ઊંચાઈ આશરે ૫ ફૂટ ૯ ઇંચ છે તથા તેમની બાળકી આરોહી શરીરે ગુલાબી તથા રાખોડી કલરનો બાબો શૂટ પહેરેલ છે શરીરે પાતળો બાધો, વાને ઘઉં વર્ણ છે. જેથી સદર ગુમ થનાર આ યુવતી તથા બાળકીની ની ભાળ મળ્યેથી નવસારી ટાઉન પોલીસ સ્ટેશન જાણ કરવા જાહેર અનુરોધ કરાયો છે.