આપ પાર્ટીના પ્રદેશ પ્રમુખ ગોપાલ ઈટાલિયાની ધરપકડ થઈ છે. આ માહિતી ખુદ ગોપાલ ઈટાલિયાએ ટ્વીટ કરીને આપી છે. ભાવનગર પોલીસે ગોપાલ ઈટાલિયાની ધરપકડ કરી હોવાની વિગતો પ્રાપ્ત થઈ રહી છે. જો કે,વધુ સ્પષ્ટતા ઈટાલિયાએ ટ્વીટના માધ્યમથી કરી હતી. સૂત્રો તરફથી મળતી વિગતો અનુસાર ગોપાલ ઈટાલિયાની અટકાયત કરાઈ હતી ત્યારે જામીન આપી મુક્ત તેમને મુક્ત પણ કરાયા છે. મહત્વનું છે કે, ઈટાલિયાએ પોતે જ તેની અટકાયત અંગે ટ્વિટ કર્યું હતું.

ટ્વીટના માધ્યમ થકી ઈટાલિયાએ કહ્યું કે,ગુજરાતની જનતાએ આપેલી બહુમતીથી બનેલી ભ્રષ્ટ ભાજપ સરકારે ગઈકાલે વિધાનસભાનું પહેલા સત્રનો પહેલો દિવસ પુરો થતા જ આજથી કામગીરી ચાલુ કરી દીધેલ છે. મારા સગા દાદીમાંના ગઈકાલે અંતિમ સંસ્કાર કર્યા અને ઘરમાં શોકનો માહોલ હોવા છતાંય ભાજપ સરકારે આજરોજ મને એરેસ્ટ કરાવ્યો. ભાવનગર પોલીસે મારી ધરપકડ કરી.કદાચ ગુજરાતી જનતાએ ભાજપને આવા કામ કરવા માટે જ બહુમતી આપી હશે. ભાજપ સરકારની વિપક્ષને ડરાવવા દબાવવાની કામગીરી ચાલુ થઈ ગઈ છે.

AAPના પ્રદેશ પ્રમુખ ગોપાલ ઈટાલિયાની ભાવનગરની ઉમરાળા પોલીસે અટકાયત કરી હોવાની વિગતો પ્રાપ્ત થઈ રહી છે. બે મહિના પહેલા દ્વારકામાં ભાષણમાં ભગવાન કૃષ્ણ વિશે બોલનાર રંઘોળાના આહીર સમાજના એક વ્યક્તિએ પોલીસમાં ફરિયાદ નોંધાવી હતી. પોલીસમાં ફરિયાદ નોંધાતા ઉમરાળા પોલીસે ઈટાલિયાની અટકાયત કરી છે.

ગોપાલ ઈટાલિયા સામે આ સિવાય પણ ફરીયાદ પણ અગાઉ દાખલ કરવામાં આવી હતી.અગાઉ દિલ્હીમાં મહિલા આયોગમાં પણ ઈટાલિયાને હાજર કરાયા હતા.ચૂંટણી પહેલા પણ આપ નેતા ગોપાલ ઈટાલિયાની ધરપકડ કરવામાં આવી હતી. ગોપાલ ઈટાલિયા ચૂંટણી પહેલા સતત વિવાદમાં કોઈને કોઈ નિવેદનને લઈને રહ્યા હતા ત્યારે આપ પાર્ટીના પ્રદેશ પ્રમુખની આજે અટકાયત બાત તેમને જામીન આપ્યા હોવાની પણ વિગતો પ્રાપ્ત થઈ રહી છે.