રાણી મુખર્જીની મર્દાની અને મર્દાની 2 બંને બોક્સ ઓફિસ પર હિટ ગઇ હતી. હવે લોકો મર્દાની 3ની રાહ જોઇ રહ્યા છે. તેવામાં અભિનેત્રીએ મર્દાની 3ને લઇને અપડેટ આપ્યા છે. રાણીએ કહ્યુ હતું કે, મર્દાની 3 પાસે દર્શકોને પહેલા કરતા વધુ અપેક્ષા હશે. તેથી મારે આ ફિલ્મ બનાવવાની ઉતાવળ કરવી નથી. હું યોગ્ય સ્ક્રિપ્ટની શોધમાં છું જેવી મને મળશે કે તરક જ આ ફિલ્મ પર કામ શરૂ કરીશ.

રાણીએ વધુમાં કહ્યુ હતું કે, મહિલા પ્રધાન ફ્રેન્ચાઇઝી ફિલ્મને ચલાવવી એ કઠિન કામ છે. તેને આગળ વધારવા માટે તગડી સ્ક્રીપ્ટની સાથેસાથે દર્શકોનો પણ પ્રેમ અને ઉત્તકંઠા હોવી જરૂરી છે. મને પણ મર્દાની 3 શરૂ કરવાનું મન છે. પરંતું સારી રસપ્રદ વાર્તા મળે ત્યારે જ ફિલ્મની શરૂઆત કરી શકાય છે. રાણીની મર્દાની ફિલ્મ 2014માં રિલીઝ થઇ હતી. જેમાં રાણી મુખર્જીએ એક સશક્ત મહિલા પોલીસ અધિકારી શિવવાની શિવાજી રોયની ભૂમિકા ભજવી હતી. આ બંને ફિલ્મો બોક્સ ઓફિસ પર હિટ ગઇ હતી.