સુરત જિલ્લાનો માંડવી તાલુકો મહત્તમ આદિવાસી વસ્તી ધરાવતો તાલુકો છે અને જંગલ વિસ્તાર છે,આ જંગલો માં કેટલાક સમય પહેલા આદિવાસીઓ વસવાટ કરતા હતા અને વાંસ કાપી તેમજ ખેતી કરી જીવન નિર્વાહ ચલાવતા હતા પરંતુ છેલ્લા કેટલાક વર્ષો થી સરકાર દ્વારા જંગલ માં રહેતા આદિવાસીઓ ને જંગલ માંથી દૂર કરવામાં આવ્યા છે અને સરકાર દ્વારા આપવામાં આવતા હકો થી આદિમ જૂથના લોકોને વંચિત રાખવામાં આવી રહ્યું છે જેને લઈ આજરોજ માંડવી ખાતે આદિમ જૂથ ના લોકો દ્વારા કોંગ્રેસ ના ધારાસભ્ય આનંદ ચૌધરી ની આગેવાની હેઠળ એક રેલી કાઢવામાં આવી હતી.

જંગલમાં વસવાટ કરતા આદિમ જૂથ ના લોકો વરસાદ ના ચાર મહિના જંગલ માં જતા હોઈ છે અને ત્યાં જંગલ ની જમીન પર ખેતી કરી ગુજરાન ચલાવતા હોઈ છે પરંતુ છેલ્લા કેટલાક વર્ષો થી આદિમ જૂથ ના લોકોને જંગલ માં જતા અટકાવવામાં આવી રહ્યા છે તેમજ ફોરેસ્ટ વિભાગ ના અધિકારીઓ દ્વારા માર મારવામાં આવતા હોવાના ગંભીર આક્ષેપ પણ આદિમ જૂથ દ્વારા કરવામાં આવ્યા હતા,આદિમ જૂથ દ્વારા સરકાર પાસે જીવન ગુજરાન ચલાવવા માટે કુટુંબ દીઠ 5 એકર જમીન ની માંગ કરવામાં આવી છે.