રાજપીપળા કોલેજના ગેટ સામે જ એક એસટી બસે વીજ કંપનીનો લટકતો વાયર તોડી નાંખતા કલાકો સુધી વીજ પુરવઠો બંધ રહ્યો હતો. જોકે સાંકડા માર્ગ પર લટકતા વાયરો જોખમી હોવા છતાં વચ્ચે પોલ ઉભા ન કરાતા ક્યારેક આ વાયરો જીવલેણ સાબિત થઈ શકે તેમ છે. એક વાયર એસટી બસથી તૂટી જતા સદનસીબે કોઈને નુકશાન થયું નથી.

પરંતુ કોલેજના ગેટની આસપાસ લબળતા વાયરો ક્યારેક દુર્ઘટના સર્જે તેવા છે માટે પોલ બચાવવા કે ગમે તે કારણે લટકતા જોવા મળતા વાયરો તાત્કાલિક ઊંચા કરાય એ જરૂરી છે અને  મેન્ટેનન્સ માટે કલાકો વીજ પુરવઠો બંધ કરવામાં આવે છે તથા અનેક જગ્યાઓ પર નવા પોલ ઉભા કરી લોકોના માથે મંડરાતું જોખમ વીજ કંપની દૂર કરે તેવી માંગ ઉઠી છે. (ભરત શાહ દ્વારા રાજપીપળા)