તાપીમાં ફરી એકવાર વરસાદી માહોલ જામ્યો છે. છેલ્લા 24 કલાકમાં વ્યારા,સોનગઢ અને ડોલવણમાં સૌથી વધુ વરસાદ ખાબક્યો છે.જયારે સૌથી ઓછુ વરસાદ નીઝરમાં 2 ઇંચ પડ્યો છે,જોકે, હજુ પણ વરસાદી માહોલ રહેશે. સ્વતંત્રતા પર્વની ઉજવણી વચ્ચે દિવસભર ડાળાડિબાંગ વાદળા છવાયેલા હતા. તાપી જિલ્લામાં સાર્વત્રિક વરસાદ નોંધાયો છે. જેમાં વ્યારામાં સૌથી વધુ 8 ઈંચ અને ડોલવણ અને સોનગઢમાં 6-6  ઇંચ વરસાદ ખાબક્યો છે.

તા.15મી ઓગસ્ટ સવારના 6 વાગેથી તા.16મી ઓગસ્ટ સવાર નારોજ 6 વાગે સુધીમાં તાપી જિલ્લાના અલગ અલગ તાલુકામાં વરસાદ નોંધાયો છે. છેલ્લા 24 કલાકમાં દરમિયાન વરસાદ ના આંકડા જોઈએ તો વ્યારા 204 mm, વાલોડ 121 mm, ડોલવણ 172 mm, સોનગઢ 147, mm, ઉચ્છલ  58 mm, નિઝર 55 mm, અને કુકરમુંડામાં 39 mm  વરસાદ નોંધાયો છે.