જિલ્લાના ડિઝાસ્ટર કંટ્રોલ કક્ષ તરફથી મળેલી વિગતો અનુસાર, આજે સવારે ૬ વાગ્યે પુરા થતા ચોવીસ કલાક દરમિયાન જિલ્લામાં સરેરાશ ૪૭.૬૭ મી.મી. વરસાદ નોંધાવા પામ્યો છે.

વિગતે જોઈએ તો આ ચોવીસ કલાક દરમિયાન આહવા તાલુકામાં ૪૫ મી.મી. વરસાદ નોંધાયો છે. જેની સાથે આહવા તાલુકાનો મોસમનો કુલ વરસાદ ૧૫૩૬ મી.મી. થવા પામ્યો છે. તો વઘઇ તાલુકામાં ૬૩ મી.મી. સાથે કુલ ૧૫૩૨ મી.મી., અને સુબિર તાલુકામાં છેલ્લા ચોવીસ કલાક દરમિયાન ૩૫ મી.મી. વરસાદ સાથે મોસમનો કુલ વરસાદ ૧૩૭૬ મી.મી. નોંધાયો છે. આમ, જિલ્લામાં ચોવીસ કલાકમાં સરેરાશ ૪૭.૬૭ મી.મી. વરસાદ નોંધાતા મોસમનો કુલ વરસાદ ૧૪૮૧.૩૩ મી.મી. નોંધાઇ ચુક્યો છે.