તાપી જિલ્લા કલેક્ટર ડૉ.વિપિન ગર્ગના અધ્યક્ષતા હેઠળ રચાયેલ ડિસ્ટ્રિક્ટ ટાસ્ક ફોર્સની ટીમ, તાપી દ્વારા બાળ મજૂરી નાબુદી માટે તાપી જિલ્લામાં સુરત-ધુલિયા હાઇવે પર આવેલ તુલસી રેસ્ટોરન્ટ તથા આસપાસના વિસ્તારમાં તા.૨૫/૦૨/૨૦૨૫ નારોજ રેડ કરવામાં આવી હતી.

આ રેડ દરમિયાન કુલ ૦૨ તરૂણ શ્રમયોગી અને ૦૧ બાળ શ્રમયોગી મળી આવ્યા હતા. જેઓને માલિકના કબજામાંથી મુક્ત  કરાવવામાં આવ્યા હતા. આ બાળ/તરૂણ શ્રમયોગીઓ રાજસ્થાન તથા બિહાર રાજ્યના હતા. જેમને સરકારી શ્રમ અધિકારીની ક્ચેરી અને બાળ સુરક્ષા યુનિટ દ્વારા રેસ્ક્યુ કરી પુનર્વસન અર્થે ચાઇલ્ડ વેલ્ફેર કમીટી, તાપી ખાતે સોપવામાં આવ્યા છે. બાળ/તરૂણ શ્રમયોગીઓને  રાખતી સંસ્થા સામે સરકારી શ્રમ અધિકારીશ્રી, તાપી દ્વારા કાયદેસરની કાર્યવાહી હાથ ધરવામાં આવી રહેલ હતી.