આરબીઆઈએ બાકી લોનના વસૂલાત કરતા એજન્ટો માટે નવી ગાઈડલાઈન જારી કરી છે, જેમાં જણાવ્યું છે કે તેઓ સવારે 8 વાગ્યા પહેલા અને સાંજે 7 વાગ્યા પછી લોન લેનારાઓને ફોન કરી શકશે નહીં. RBI એ આ નોટિસ જારી કરતા જણાવ્યું હતું કે બેંકો, નોન-બેન્કિંગ ફાઇનાન્સ કંપનીઓ (NBFCs) અને એસેટ રિકન્સ્ટ્રક્શન કંપનીઓ (ARCs) એ ખાતરી કરવી જોઈએ કે લોનની વસૂલાત સંબંધિત તેની સૂચનાઓનું યોગ્ય રીતે પાલન કરવામાં આવે.

આરબીઆઈએ જણાવ્યું હતું કે સલાહ આપવામાં આવે છે કે નિયમન કરાયેલ એકમોએ કડકપણે ખાતરી કરવી જોઈએ કે તેઓ અથવા તેમના એજન્ટો બાકી લોનની વસૂલાત દરમિયાન કોઈપણ રીતે લોન ધારકોને હેરાન કરવા અથવા ઉશ્કેરવાથી દૂર રહે. આ સિવાય આરબીઆઈએ લોન લેનારાઓને અજાણ્યા નંબરો પરથી કોઈપણ પ્રકારના અયોગ્ય મેસેજ, ધમકી અથવા કોલ કરવાથી બચવા પણ કહ્યું છે.સાંજે સાત કલાક પછી ફોન નહીં કરી શકાયઆરબીઆઈ મુજબ રિકવરી એજન્ટ સવારે 8 વાગ્યા પહેલા અનેસાંજે 7 વાગ્યા પછી લોન લેનારાઓને કોલ કરી શકતા નથી.આરબીઆઈ લોનની વસૂલાત સંબંધિત મુદ્દાઓ પર સમયાંતરે ગાઈડલાઈન જારી કરે છે. તેણે અગાઉ એમ પણ જણાવ્યું હતું કે નિયમનકારી સંસ્થાઓએ લોન લેનારાઓને હેરાન કે પરેશાન ન કરવા જોઈએ.RBI એ જારી કરી નવી ગાઈડલાઈન

તાજેતરના સમયમાં રિકવરી એજન્ટો દ્વારા કરવામાં આવતી અન્યાયી પ્રવૃત્તિઓને ધ્યાનમાં રાખીને RBIએ એક નવી માર્ગદર્શિકા બહાર પાડી છે. કેન્દ્રીય બેંકે જણાવ્યું છે કે આ માર્ગદર્શિકા તમામ કોમર્શિયલ બેંકો, સહકારી બેંકો, NBFCs, ARC અને અખિલ ભારતીય નાણાકીય સંસ્થાઓને લાગુ પડશે.ઉલ્લેખનીય છે કે રિકવરી એજન્ટ ગમે ત્યારે લોન લેનારને ફોન કરતા હતા અને ધાક ધમકી આપી પઠાણી વસૂલી કરતા હતા. આ બાબત આરબીઆઈના ધ્યાનમાં આવતા લાલ આંખ કરી છે.