નવસારી ટાઉન પોલીસે મોટી દરગાહ રોડની બુટલેગર નયના રાઠોડના ઘરે રેઈડ કરી રૂપિયા ૫૬ હજારનો ઈંગ્લિશ દારૂ કબ્જે કર્યો હતો. સુત્રો પાસેથી મળતી માહિતી મુજબ, નવસારી ટાઉન પોલીસ સ્ટેશનના પી.આઈ.ના માર્ગદર્શન હેઠળ સર્વેલન્સ સ્ટાફ પેટ્રોલીંગ પર હતો. તે વખતે બાતમીના આધારે નવસારીનાં મોટી દરગાહ પાસે રહેતી નયના વિનોદભાઈ રાઠોડના ઘરે છાપો મારી જુદી જુદી બ્રાન્ડની ઈંગ્લિશ દારૂની બોટલો નંગ ૪૮૦ જેની કિંમત રૂપિયા ૫૬,૪૦૦/-નો મુદ્દામાલ કબ્જે કર્યો હતો. જયારે પોલીસની રેઇડ પહેલા ફરાર થઈ ગયેલ નયના રાઠોડને વોન્ટેડ જાહેર કરવામાં આવી હતી. બનાવ અંગે ટાઉન પોલીસે પ્રોહિબીશનનો ગુનો દાખલ કરી કાયદેસરની કાર્યવાહી હાથ ધરી હતી.