અમદાવાદના વટવા જી.આઇ.ડી.સી. વિસ્તારમાં 15 વર્ષીય સગીરાને ડરાવી દુષ્કર્મ ગુજારનારા આરોપીને પોક્સો કોર્ટે જીવે ત્યાં સુધીની કેદની સજા ફટકારી છે. સજા ફટકારતા પોક્સો કોર્ટના સ્પેશિયલ જજે નોંધ્યું છે કે, માતા-પિતા બાળકોને પાડોશમાં મોકલતા પણ ગભરાય તેવો બનાવ છે. સ્ત્રી સાથે ન્યાય કરવાનો હેતુ હોવાથી આરોપીને અંતિમ શ્વાસ સુધીની કેદની સજા કરવામાં આવે છે.

જેમાં વટવા જી.આઇ.ડી.સી. પોલીસ સ્ટેશનમાં નોંધાયેલી ફરિયાદ પ્રમાણે આરોપી પ્રદીપ મહેન્દ્રભાઇ પરમાર ઉર્ફે લાલો (ઉ.વ.30) તેના વિસ્તારમાં ગત તા. 08/05/2020નાં રોજ ફરી રહ્યો હતો. આ સમય લોકડાઉનનો હોવાથી તેનાં જ વિસ્તારની સગીરને તે જોઇ ગયો હતો અને પરિસ્થિતિનો લાભ ઉઠાવી તેને નિર્જન ધાબા પર લઇ ગયો હતો અને દુષ્કર્મ ગુજાર્યું હતું. ત્યારબાદ આ કેસની ટ્રાયલ શરૂ થતાં પોલીસ તરફથી સરકારી વકીલે ધારદાર દલીલ કરી હતી કે, આરોપી સામે ગુનો પુરવાર થાય તેટલાં પુરાવાઓ અને સાક્ષી છે. તેથી સમાજમાં દાખલો બેસાડવા માટે આરોપીને કડક સજા થવી જરૂરી છે. જેથી આરોપીને અંતિમ શ્વાસ સુધીની કેદની સજા કરવામાં આવી છે. 

​