વાલોડના અંધાત્રી ગામેથી પ્રોહી લીસ્ટેડ બુટલેગરને ઈંગ્લીશદારૂ મુદ્દામાલ સાથે ઝડપી પાડવામાં વાલોડ પોલીસને સફળતા મળી છે.

મળતી માહિતી મુજબ વાલોડ પોલીસ સ્ટેશનના સ્ટાફના માણસો આજરોજ પોલીસ સ્ટેશનના વિસ્તારમાં પેટ્રોલીંગમાં હતો તે દરમિયાન મળેલ બાતમીના આધારે વાલોડ તાલુકાના અંધાત્રી ગામના ધામણીયા ફળીયામાં રહેતો પ્રોહી લીસ્ટેડ બુટલેગર યોગેશભાઈ કેશવભાઈ પટેલના ઘરે રેડ કરવામાં આવી હતી.રેડ દરમ્યાન બુટલેગરે ઘરના પાછળના ભાગે વેચાણ માટે સંતાડી મુકેલ ઈંગ્લીશદારૂની અલગ અલગ બ્રાન્ડની કુલ બોટલો નંગ-૯૬ જેની કિંમત રૂપિયા કુલ ૭૨૦૦/-નો પ્રોહી મુદ્દામાલ સાથે પ્રોહી લીસ્ટેડ બુટલેગર યોગેશભાઈ પટેલને ઝડપી પાડવામાં આવ્યો હતો.પોલીસ કોન્સ્ટેબલ અકુલાસભાઈની ફરિયાદના આધારે કાયદેસરની કાર્યવાહી હાથ ધરવામાં આવી હતી.