વડાપ્રધાનશ્રી નરેન્દ્ર મોદી બે દિવસ માટે ગુજરાતના પ્રવાસે આવ્યા છે. તેઓ ખેરાલુમાં એક રેલીમાં ભાગ લેવાના છે. તારીખ 31 ઓક્ટોબરે ભારતના પ્રથમ ગૃહમંત્રી સરદાર વલ્લાભભાઈ પટેલને સમર્પિત સ્મારક સ્ટેચ્યૂ ઓફ યુનિટી ખાતે રાષ્ટ્રીય એકતા દિવસની ઉજવણી માટેના સમારોહમાં ભાગ લેવા માટે તેઓ નર્મદા જિલ્લાની મુલાકાત લેશે. બે દિવસના કાર્યક્રમ દરમિયાન વડાપ્રધાનશ્રી નરેન્દ્ર મોદી આજે ગુજરાતના મહેસાણાની મુલાકાત લેવાના છે. અહીં તેઓ અનેક ડેવલપમેન્ટ પ્રોજેક્ટનો શુભારંભ કરશે. ઉલ્લેખનીય છે કે, તારીખ 31 ઓક્ટોબરના દિવસે તેઓ સ્ટેચ્યૂ ઓફ યુનિટી ખાતે જશે, આ દિવસને રાષ્ટ્રીય એકતા દિવસ તરીકે મનાવાય છે.