નવસારી મરોલી પોલીસ સ્ટેશનનાં પશુ સંરક્ષણ અધિનિયમના ગુનામાં નાસતા ફરતા આરોપીને L.C.B. ટીમે શોધી કાઢી મરોલી પોલીસમાં સોંપ્યો હતો. નવસારી L.C.B. ASI તથા પોલીસ કોન્સ્ટેબલને સયુંકત રીતે બાતમી મળી કે, ડાભેલ ગામે ગૌવંશના કેસમાં ફરાર આરોપી મોહમ્મદ ઉસ્માન એકલવાયા (ઉ.વ.42, ડાભેલ, પાદર ફળિયુ, તા.જલાલપોર) તેના ઘરે આવ્યો છે. જે બાતમીને પગલે પોલીસે તેના ઘરે પહોંચી આરોપીની અટક કરી વધુ કાર્યવાહી માટે મરોલી પોલીસ સ્ટેશનમાં સોંપાયો હતો.