સોનગઢનાં ટોકરવા ગામના વિષમહુડા ફળિયામાં એક ઘરમાં મુકેલ રોકડ 40  હજાર રૂપિયાની ચોરી થઈ હતી જે અંગેનો કેસ સોનગઢ પોલીસે ગણતરીના કલાકોમાં જ ઉકેલી નાંખ્યો હતો.

મળતી માહિતી મુજબ, સોનગઢ તાલુકાનાં ટોકરવા ગામના વિષમહુડા ફળિયામાં રહેતા દાનિયેલભાઈ મીરીયાભાઈ ગામીત નાએ પોતાના ઘરના કબાટમાં રોકડ 40 હજાર રૂપિયા મૂક્યા હતા. જોકે કોઈ ચોરી સામે ઘરમાં પ્રવેશ કરીને કબાટમાંથી 40 હજાર રૂપિયા ચોરી લીધા હતા ચોરીને લઈને સોનગઢ પોલીસે ગુનો નોંધ્યો હતો અને  પોલીસે ચોરીનો ગુનો નોંધી ચોરને શોધવા માટેની કાર્યવાહી હાથ ધરતા ખાનગી રાહે બાતમી મળી હતી કે, વિષમહુડા ફળિયામાં રહેતા લલ્લુ ભીકા ગામીત નાએ ચોરી કરી છે અને તે હાલ સોનગઢ બજારમાં ફરી રહ્યો છે જે બાતમીના આધારે પોલીસ સ્ટાફના માણસોએ લલ્લુ ભીકા ગામીતને ઝડપી પાડ્યો હતો તેમજ સઘન પૂછપરચ કરતા લલ્લુ ગામીતે ચોરીની કબુલાત કરી હતી ત્યારબાદ પોલીસે તેની પાસેથી રોકડ રૂપિયા 40 હજારની રિકવરી પણ કરી હતી. બનાવ અંગે સોનગઢ પોલીસે તેની અટકાયત કરી આગળની વધુ કાર્યવાહી હાથ ધરી હતી.