નવસારી જિલ્લામાં અલગ અલગ વિસ્તારોમાં પોલીસે રેઈડ કરી જુગારીઓને ઝડપી પાડી કુલ રૂપિયા 1,34,000/-થી વધુનો મુદ્દામાલ ઝડપી પાડ્યો હતો. જેમાં પહેલા તો ગણદેવી ગણપતિ માટે બનાવેલા ખુલ્લાં મંડપમાં 9 જુગારીઓ ગંજીપાનાની જુગાર રમી રહ્યા હતા જેમાં કુલ રૂપિયા 6,450/-નો મુદ્દામાલ ઝડપાયો છે. જયારે બીજા બનાવમાં ગણદેવીના મુસ્લિમ ફળિયામાં ઘરમાં જુગાર રમવા બોલાવતા એક આરોપીની ધરપકડ કરવામાં આવી છે. જેમાં રૂપિયા 450 કબ્જે કરવામાં આવ્યા છે.

ત્યારબાદ કછોલી ગામમાં મંદિરના ઓટલા પર ગંજીપાના તીન પત્તી હારજીતનો જુગાર રમતા પાંચ જુગારીઓને ધરપકડ કરી કુલ રૂપિયા 3,170/-નો મુદ્દામાલ કબ્જે કરવામાં આવ્યો હતો. જલાલપોરમાં 10 મહિલાઓ જુગારની રમત રમતા પોલીસે કાયદેસરની કાર્યવાહી કરી છે. શાંતાદેવી વિસ્તારમાં ઘરમાં જુગાર રમતા ચારની ધરપકડ કરી રૂપિયા 1,24,070/-નો મુદ્દામાલ કબ્જે કરવામાં આવ્યો હતો. આમ પોલીસે જિલ્લામાંથી કુલ રૂપિયા 1,34,140/-નો મુદ્દામાલ કબ્જે કરી તમામ વિરુદ્ધ ગુનો દાખલ કરી કાયદેસરની કાર્યવાહી હાથ ધરવામાં આવી હતી.