નર્મદાનાં રાજપીપળા ટેકરા ફળિયામાં આવેલા અર્બન હેલ્થ સેન્ટરમાંથી સામાનની ચોરી થતાં ગુનો દાખલ થયો છે. મળતી માહિતી અનુસાર, મેડિકલ ઓફિસર રાનીપાલ ભોપાલસીંહ ભાટી (રહે.જુની સિવીલ હોસ્પિટલ, રાજપીપળા) નાએ આપેલી ફરિયાદ મુજબ તેમના ફરજનાં સ્થળે અર્બન હેલ્થ સેન્ટર ખાતે નીચેનાં ભાગે આવેલા અર્બન હેલ્થ સેન્ટરના મુખ્ય પ્રવેશ દ્વારની ઇમરજન્સી બહાર નીકળવા માટે આવેલ જાળી તેમજ દરવાજાને મારેલ તાળુ નકુચા સાથે તોડી નાખી અંદરથી ઓક્સિજન સપ્લાયની તાંબાની પાઇપો, CCTV  કેમેરો નંગ-1, કોમ્પ્યુટર સી.પી.યુ સાથેનો સેટ નંગ-1, યુ.પી.એસ પાવર સેવર, ઇન્ટરનેટ કનેકટીવીટી રાઉટર મળી કુલ રૂપિયા 60,500/-ની કોઈ ચોર ઇસમ ચોરી કરી લઇ જઇ ગુનો કરતા રાજપીપળા પોલીસે અજાણ્યા ચોર સામે ગુનો દાખલ કર્યો હતો.