કામરેજનાં ખોલવડ ગામની સીમમાં રાહદારીને કાર ચાલકે અડફેટમાં લેતા ગંભીર ઈજાથી ઘટના સ્થળે મોત નિપજ્યું હતું. મળતી માહિતી મુજબ, ગંગારામ ચંદ્રેશભાઈ ધોબી કામરેજ પોલીસની હદમાં ખોલવડ ગામની સીમમાં સ્મશાનની સામે ખોલવડથી આંબોલી તરફ જતા રસ્તા પરથી પગપાળા પસાર થઈ રહ્યા હતા. તે દરમિયાન પાછળથી પુરઝડપે આવી રહેલ અજાણ્યા કાર ચાલકે સ્ટેરિંગ ઉપરનો કાબુ ગુમાવીને ગંગારામને અડફેટમાં લઈ કાર લઈને ફરાર થઇ ગયો હતો. આ અકસ્માતમાં ગંગારામને ગંભીર ઈજાઓ પહોંચતા તેનું ઘટના સ્થળે મોત નિપજ્યું હતું. આ ઘટના અંગે કામરેજ પોલીસ મથકે જાણ કરવામાં આવતા હાલ પોલીસે કસુરવાર અજાણ્યા કાર ચાલક વિરૂદ્ધ ગુનો નોંધી આગળની તપાસ હાથ ધરી હતી.