સુરત જિલ્લાના કીમ નજીક કુડસદ ગામ પાસે રોડ ક્રોસ કરતા રાહદારીનું બાઈક અડફેટે મોત થયું હતું. મળતી માહિતી મુજબ, કુડસદમાં રહેતો મૂળ ઉત્તરપ્રદેશના બલીયા જિલ્લાના ભોજપુર ગામના ૪૦ વર્ષીય સત્યેન્દ્રભાઈ કામલા ઠાકુર કુડસદ ગામે ચિરાગ રેસિડેન્સીની સામે રોડ ક્રોસ કરી રહ્યા હતા. ત્યારે બાઈક નંબર જીજે/૧૯/બીજી/૨૧૩૦ના ચાલક સત્યેન્દ્રભાઈને અડફેટે લઈ ફરાર થઇ ગયો હતો. સત્યેન્દ્રભાઈને ગંભીર ઈજાઓ પહોંચતા તેમનું ઘટના સ્થળે મોત થયું હતું. બનાવ અંગે કીમ પોલીસે બાઈક ચાલક વિરુદ્ધ ગુનો નોંધી આગળની તપાસ હાથ ધરી હતી.