કામરેજ રંગોલી ચોકડી પર અજાણ્યા વાહન ચાલકે રાહદારીને અડફેટમાં લેતા તેનું ઘટનાં સ્થળે મોત થયું હતું. સુત્રો પાસેથી મળતી માહિતી મુજબ, કામરેજ પોલીસની હદમાં આવેલા રંગોલી ચોકડી નજીક અજાણ્યો ઇસમ રસ્તો ક્રોસ કરી રહ્યો હતો. તે દરમ્યાન સામથી પુરપાટ આવી રહેલા અજાણ્યા વાહન ચાલક રાહદારીને અડફેટમાં લઇ ફરાર થઇ ગયો હતો. રાહદારીને માથાનાં તેમજ શરીરનાં વિવિધ ભાગે ગંભીર ઈજાઓ પહોંચતા તેનું ઘટનાં સ્થળે મોત થયું હતું. આ ઘટનાં અંગે કામરેજ પોલીસને જાણ થતા હાલ પોલીસે કસુરવાર અજાણ્યા વાહન ચાલક વિરૂદ્ધ ગુનો નોંધી આગળની તપાસ હાથ ધરી હતી.