ડોલવણ ચાર રસ્તા ઉપર ગત તારીખ 21/06/2024નાં રોજ ડોલવણ ગામનાં પાર્થકુમાર ભરતભાઈ ચૌધરીએ પોતાના કબ્જાની બાઈક પુરઝડપે હંકારી રાહદારી શમશાદ મોહમદ હુસેન શેખ (રહે.કેપીટલ સ્કવેર પાછળ, પુણા પાટીયા પાસે, સુરત)નાંને એડફેટે લીધા હતા. જોકે અકસ્માતમાં રાહદારીને માથાના ભાગે તથા શરીરે ગંભીર ઈજા પહોંચાડતા તેઓનું સારવાર દરમિયાન મોત થયું હતું. આ અકસ્માતમાં અન્ય બાઇક સવાર દર્શનભાઈ ચૌધરી (રહે.કેળકુઈ) તથા પ્રતિમાબેનને ઇજા પહોંચી હતી.