વ્યારા બસ સ્ટેન્ડ પર બસ પકડવાની લ્હાયમાં એક મુસાફરને બસ અડફેટે ગંભીર ઈજા પહોચતા તેને 108ની મદદથી સારવાર અર્થે ખસેડવામાં આવ્યો હતો.

મળતી માહિતી મુજબ વ્યારાના નવા બસ સ્ટેન્ડ પર સોમવારે એક મુસાફર બસ પકડવાની લ્હાયમાં દોડ મૂકી હતી જોકે બસમાં નજીક પહોચતા જ મુસાફર બસ સાથે ટકરાયો હતો અને તેને પગે ગંભીર ઈજા પહોચી હતી ઘટનાની જાણ થતા જ આસપાસમાં ઉભેલા લોકો દોડી આવ્યા હતા અને કોઈકે ઈમરજન્સી સેવા 108 ને કોલ કરતા 108ની મદદથી ઈજાગ્રસ્ત મુસાફરને નજીકની હોસ્પિટલમાં સારવાર અર્થે ખસેડવામાં આવ્યો હતો. આ બાબતે ડેપો મેનેજરને પૂછતા તેમણે જણાવ્યું હતું કે,બસ પકડવાની ઉતાવળમાં મુસાફરે દોડ મૂકી હતી, બસના આગળનો ભાગનું પતરું મુસાફરને વાગી જતા ગંભીર ઈજા પહોંચી હતી. જોકે 108 એમ્બ્યુલન્સનો સંપર્ક કરતા ઈજાગ્રસ્ત મુસાફરનું નામ વિનોદભાઈ સી. પટેલ (ઉ.વ.45) રહે,બારડોલી નાને ચક્કર આવાથી પડી ગયા હોવાનું જણાવ્યું હતું જેમને વ્યારા જનરલ હોસ્પિટલ ખાતે સારવાર અર્થે દાખલ કરવામાં આવ્યા હતા. જોકે બનાવ અંગે કોઈ પોલીસ ફરિયાદ નોંધાઈ નથી.