સેલવાસથી આવતી એક કારમાં દારૂનો જથ્થો ભરી સુરત તરફ જવાની હોવાની બાતમીનાં આધારે પારડી પોલીસ સ્ટાફના માણસો પારડી નેશનલ હાઇવે નંબર-48 પર વિશ્રામ હોટલ સામે વોચ ગોઠવી હતી. તે દરમિયાન બાતમીવાળી કાર નંબર એમએચ/02/ઈઈ/6228માં આવતા પોલીસે ટ્રાફિક જામ કરી અટકાવી હતી અને કારની તલાશી લેવામાં આવતા પોલીસને આ કાર માંથી અલગ-અલગ બ્રાન્ડની વિદેશી દારુની 84 બોટલો મળી આવી હતી જેની કિંમત રૂપિયા 80,400/- હતી. આમ પોલીસે વિદેશી દારૂનો જથ્થો અને કાર કબ્જે કરી કારમાં સવાર રાજેશભાઈ સીતારામ રાજપુત અને ભરતભાઈ બુધિયાભાઈ ગજરા (બંને રહે.કલ્યાણ,મહારાષ્ટ્ર) નાઓની અટક કરી પારડી પોલીસે કાયદેસરની કાર્યવાહી હાથ ધરી હતી.