સુરત શહેરના વેસુમાં વીઆઈપી રોડ પર એપાર્ટમેન્ટ પાસે બે ઘુવડ દેખાયા હતા. જેને લીધી ત્યાંના બાળકો અને મહિલામાં ગભરાટ ફેલાઈ ગયો હતો.

ફાયર બ્રિગેડ પાસેથી મળેલી વિગત મુજબ વેસુ ખાતે વીઆઈપી રોડ પર રત્ન જ્યોતિ એપાર્ટમેન્ટના પાર્કિંગ પાસે આજે રવિવારે સવારે બે ઘુવડ ખૂણામાં બેઠેલા હતા. જોકે ત્યાં રમી રહેલા  બાળકો ઘુવડ પર નજર પડતા ગભરાઈ ગયા હતા. બાદમાં તેને જોઈને મહિલા પણ ગભરાઈ જતા નાસભાગ થઈ ગઈ હતી. કોલ મળતા ફાયર જવાનું ઘટના સ્થળે ઘસી ગયા હતા. જોકે વરસાદમાં બંને ઘુવડ ભીના થઈ ગયા હોવાથી ઉડી શકતા ન હતા. જ્યારે વારાફરતી બંને ઘુવડને પકડીને ફાયર સ્ટેશન લઈ ગયા હતા. એવું ફાયર ઓફિસર મારુતિ સોનવણે જણાવ્યું હતું.