ખેડા પોલીસે દેવ સ્પાઈસીસ પ્રાઈવેટ લિમિટેડ, ડીદેવ સ્પાઈસીસ પ્રાઈવેટ લિમિટેડ અને કમલા શ્રી સદ્ગુરુ સેલ્સ કોર્પોરેશનના માલિકો, એક જ વિસ્તૃત પરિવારના તમામ સભ્યો સામે છેતરપિંડી,ખાદ્યપદાર્થોમાં ભેળસેળ અને ગુનાહિત કાવતરાની કલમો હેઠળ ગુનો નોંધ્યો છે. આ કેસમાં ત્રણમાંથી બે આરોપીની શુક્રવારે ધરપકડ કરવામાં આવી. તાજેતરમાં કદાચ પ્રથમ વખત બન્યું છે કે પોલીસ દ્વારા ખોરાકમાં ભેળસેળ, અસ્વચ્છ ઉત્પાદન, ફૂડ લાયસન્સનો દુરુપયોગ કરનારા અને અન્ય દેશોમાં આ ઉત્પાદનોની કથિત રીતે નિકાસ કરનારાઓ સામે કડક કાર્યવાહી કરવામાં આવી છે.

બુધવારે મોડી રાત્રે નડિયાદ ટાઉન પોલીસ સ્ટેશનમાં દાખલ કરવામાં આવેલી એફઆઈઆરમાં, દેવ સ્પાઈસિસ પ્રાઈવેટ લિમિટેડના ડિરેક્ટર અમિત ચંદ્રકાંત તાહેલ્યાની અને પંકજ ચંદ્રકાંત તાહેલ્યાની સામે કલમ 420,272,273 અને 120b હેઠળ ગુનો નોંધવામાં આવ્યો હતો. ત્યારબાદ,ગુરુવારે અન્ય એફઆઈઆરમાં, પંકજ અને અમિત તાહેલ્યાની, જેઓ ડીદેવ સ્પાઈસીસ પ્રાઈવેટ લિમિટેડના ડિરેક્ટર પણ છે,તેમની સામે ફરી એકવાર નડિયાદ ગ્રામ્ય પોલીસ સ્ટેશનમાં સમાન કલમો હેઠળ ગુનો નોંધવામાં આવ્યો હતો.

શુક્રવારે નડિયાદ ટાઉન પોલીસે બંને ભાઈઓની ધરપકડ કરી હતી અને સ્થાનિક કોર્ટે ત્રણ દિવસના રિમાન્ડ મેળવ્યા હતા.એફઆઈઆરમાં જણાવવામાં આવ્યું છે કે,કાળા મરીનો પાવડર, લવિંગની દાંડી, હળદર પ્રી-મિક્સ, તૂટેલા ચોખા, ચોખાનો સ્ટાર્ચ, ધાણાની ભૂકી જેવી ભેળસેળ મોટી માત્રામાં પરિસરમાં મળી આવી હતી, સાથે 9 બેરલ અજાણ્યા કાળા પ્રવાહી અને મસાલાના પાવડર સાથે મળી આવ્યા હતા.

અત્યંત અસ્વચ્છ સ્થિતિમાં... આરોપીઓ સ્થાનિક વેપારીઓને બિલ વિના ભેળસેળયુક્ત ઉત્પાદનો વેચવાના ગુનાહિત કાવતરાનો ભાગ હતા અને તેની નિકાસ પણ કરતા હતા, આમ રિટેલર્સ અને ગ્રાહકો સાથે તેમના સ્વાસ્થ્યના જોખમે છેતરપિંડી કરતા હતા."નડિયાદ ગ્રામ્ય પોલીસ સ્ટેશનના અધિકારીઓએ કમલા શ્રીસદ્ગુરુ સેલ્સ કોર્પોરેશનના માલિક ચેતન ગોરધન તાહેલ્યાણી અને પંકજ અને અમિત તાહેલ્યાણીના કાકા સામે વધુ એક એફઆઈઆર દાખલ કરી હતી.

આ એફઆઈઆરમાં જણાવવામાં આવ્યું છે કે,"આરોપી ભેળસેળયુક્ત અને અખાદ્ય ઉત્પાદન વેચતો હતો, અને તે સ્વાસ્થ્ય માટે હાનિકારક છે તે જાણતા હોવા છતાં આમ કરી રહ્યો હતો, છેતરપિંડી કરી હતી, ખાદ્ય સુરક્ષાના ધોરણોનું પાલન કર્યું ન હતું, લેબલ લગાવ્યું ન હતું અને ફૂડ લાયસન્સની શરતોનું પાલન કર્યું ન હતું." તેની સામે આઈપીસીની કલમ 420,272 અને 273 હેઠળ કેસ નોંધવામાં આવ્યો હતો.