દંડકારણ્યની ભુમી આહવાના આંગણે ડાંગ સ્વરાજ આશ્રમ ખાતે આગામી તા.10 ઓક્ટોબરથી 23 ઓક્ટોબર 2023 દરમ્યાન 'દેવી ભાગવત કથા'નુ આયોજન કરવામા આવનાર છે. જે બાબતે તાજેતરમાં કથાકાર શ્રી પ્રફુલ શુક્લની હાજરીમા બેઠકનુ આયોજન કરવામા આવ્યુ હતુ. જેમાં ડો.હેંમતભાઇ પટેલ, શ્રી દેવાશું દેસાઇ, ડાંગ સ્વરાજ આશ્રમના ટ્રસ્ટી વનરાજ નાયક, બાપા સિતારામ પરીવારના ભારતીબેન ગાયકવાડ, ગૌરવકુમાર કટારે, રમીલાબેન રાઠોડ, રેખાબેન ચૌધરી વિગેરે સેવાકર્મીઓએ હાજર રહીને કથાના આયોજન અંગે ચર્ચા વિચારણા કરી હતી.