તાપી જીલ્લામાં કોરોનાના કેસોમાં ધીમે ધીમે એક્ટિવ કેસની સંખ્યા ઘટી રહી છે. આજે જિલ્લામાં એકપણ નવો કેસ નોંધાયો નથી તે બહુ મોટી રાહતની વાત છે. જિલ્લામાંથી કોરોના ટેસ્ટ માટે ૭૪૩ સેમ્પલ લેવામાં આવ્યા છે. જિલ્લામાં એક્ટિવ કેસની સંખ્યા હાલ માત્ર ૧ છે. જોકે લોકો દ્વારા કોરોનાના નિયમનું પાલન નહીં કરવામાં આવે તો ફરી કેસો વધવાની શકયતાઓને નકારી શકાય નહીં. 

આરોગ્ય વિભાગ પાસેથી મળતી માહિતી મુજબ, તા.ત્રીજી જુલાઈનાં રોજ કોરોના પોઝિટીવ દર્દીનો એકપણ નવો કેસ નોંધાયેલ નથી. જિલ્લામાં આજદિન સુધી કોરોના પોઝીટીવના કુલ ૩૮૮૨ કેસો નોંધાઈ ચુક્યા છે. અત્યાર સુધી કુલ ૩૭૫૪ દર્દીઓ કોરોનાની સારવાર લઈ સાજા થયા છે. જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૨ દર્દીઓના મોત સાથે આજદિન સુધી જિલ્લામાં કુલ ૧૨૭ દર્દીઓના મોત નિપજ્યા છે.