સોનગઢના સાંઢકુવા ગામ પાસેથી બાઈક પર દારૂની હેરાફેરી કરતા એક બાઈક ચાલકને ઝડપી પાડી દેશીદારૂ સુગંધી સંતરાની દારૂની બાટલીઓ અને બાઈક મળી કુલ રૂપિયા 24 હજારનો મુદ્દામાલ કબજે કર્યો હતો.

 

 

 

 

સોનગઢ પોલીસ સ્ટાફના માણસને મળેલ બાતમીના આધારે સોમવારે સોનગઢના સાંઢકુવા ગામના ત્રણ રસ્તા પર વોચ ગોઠવી હતી,દરમ્યાન એક બાઈક નંબર જીજે/26/એલ/2926ને ઝડપી પાડી તપાસ કરતા બાઈક ચાલક વિક્રમભાઈ ઉકાજીભાઈ ગામીત રહે, આમલી ફળિયું,મેઢસિંગી ગામ તા.સોનગઢ, નાએ બાઈક પર મુકેલ એક પ્લાસ્ટિકના કોથળામાંથી દેશીદારૂ સુગંધી સંતરાની કુલ બાટલીઓ નંગ 96 જેની કિંમત રૂપિયા 4, 800/- નો પ્રોહી મુદ્દામાલ મળી આવ્યો હતો. બાઈક ચાલક વિક્રમભાઈ ગામીતએ ખેખડા ગામની સીમમાંથી અજાણ્યા ઇસમ પાસેથી દારૂ વેચાતો લઇ આવ્યો હોવાનું જાણવા મળ્યું હતું,

 

 

 

બનાવ અંગે પોલીસ કોન્સ્ટેબલ ધર્મેશભાઈની ફરિયાદના આધારે 48,00/- દારૂ અને 20 હજારની બાઈક મળી કુલ રૂપિયા 24,800/- નો મુદ્દામાલ કબજે કરી પકડાયેલા આરોપી વિરુદ્ધ સોનગઢ પોલીસ મથકે ગુનો નોંધવામાં આવ્યો હતો.