સોનગઢના ગુણસદા ગામમાંથી દેશીદારૂ બનાવવા માટેનું આશરે 60 લીટર જેટલું રસાયણ સાથે એક શખ્સને ઉકાઈ પોલીસે ઝડપી પાડી કાયદેસરની કાર્યવાહી હાથ ધરી હતી.

ઉકાઈ પોલીસ સ્ટાફના માણસો શનિવારે મોડીસાંજે પોલીસ સ્ટેશનના વિસ્તારમાં પેટ્રોલીંગમાં નિકળ્યા હતા તે દરમિયાન ગુણસદા ગામના આશ્રમ ફળીયામા રહેતો શાંતાભાઈ ગુરજીભાઈ ગામીતના ઘરની પજારીના ભાગેથી તપાસ કરતા 2 પ્લાસ્ટિકના કેરબામાં ગોળ પાણી મહુડાનું મિશ્રણ આશરે 60 લીટર જેટલું રસાયણ સાથે શાંતાભાઈ ગામીતને ઝડપી પાડવામાં આવ્યો હતો. બનાવ અંગે પોલીસ કોન્સ્ટેબલ સંદીપભાઈની ફરિયાદના આધારે શાંતા ગામીત સામે ગુનો નોંધી વધુ તપાસ હાથ ધરવામાં આવી હતી.