સોનગઢના દોણ ગામ પાસે આવેલા જંગલ વિસ્તારમાંથી પસાર થતી એક બાઈકને અટકાવી તપાસ કરતા પાસ પરમીટ વિનાની વિદેશી દારૂની ૩૫ બોટલો મળી આવી હતી.

તાપી પોલીસને મળતી માહિતી મુજબ સોનગઢ-નવાપુરની સરહદ પાસે આવેલા દોણ ગામ પાસે પોલીસ વોચ ગોઠવામાં આવી હતી. જે દરમિયાન માહિતી પ્રમાણેની બાઈક(નં.જીજે/26/બી/2223) પસાર થતા તેને અટકાવી તપાસ કરતાં પાસ પરમીટ વિનાની વિદેશી દારૂની ૩૫ બોટલો મળી આવી હતી. આ દારૂ સાથે રતિલાલ બાબલાભાઈ ગામીત(રહે.દેવળ ફળિયું, દોણ, તા.સોનગઢ)ની અટક કરવામાં આવી હતી, જ્યારે દારૂ મંગાવનાર દિનેશ નેદાડા ગામીત(રહે.જામખડી)ને વોન્ડેટ જાહેર કરવામાં આવ્યો હતો. આ બનાવમાં ૭૯૦૦/- રૂપિયાનો દારૂ એક મોબઈલ અને બાઈક એમ કુલ મળી ૨૮,૪૦૦/- રૂપિયાનો મુદ્દામાલ કબ્જે કરવામાં આવ્યો હતો.