મનિષા એસ. સુર્યવંશી/તાપી : ડોલવણનાં કણધા રોડ પરથી પાટી ગામની સીમનાં ભાણપુર ફળિયામાંથી પસાર થતાં રસ્તા ઉપર બે બાઈક વચ્ચેનાં અકસ્માતમાં એક બાઈક ચાલકનું ગંભીર ઈજા પહોંચતા તેનું સારવાર દરમિયાન મોત નિપજ્યું હતું. મળતી માહિતી મુજબ, ડોલવણનાં પાટી ગામનાં ગેંગડી ફળિયામાં રહેતા રમેશભાઈ ગનાભાઇ ગામીતનાઓ ગત તારીખ ૦૭/૧૦/૨૦૨૪નાં રોજ પોતાના કબ્જાની બાઈક નંબર જીજે/૨૬/એફ/૩૨૪૫ લઈ ડોલવણનાં કણધા રોડ પરથી પાટી ગામની સીમનાં ભાણપુર ફળિયામાંથી પસાર થતાં હતા.

તે સમયે એક અજાણ્યો બાઈક નંબર જીજે/૨૧/એચ/૨૫૯૩નો ચાલક પુરઝડપે અને ગફલતભરી રીતે હંકારી લાવી રમેશભાઈ ગામીતની બાઈકને અથડાવી દઈ અકસ્માત સર્જાયો હતો. જોકે આ અકસ્માતમાં રમેશભાઈ ગામીત રોડ ઉપર પડી જતા તેમને મોઢાનાં ભાગે તથા શરીરે ગંભીર ઇજા પહોંચતા તેમનું સારવાર દરમિયાન મોત નિપજ્યું હતું. બનાવ અંગે અરૂણભાઈ ગામીત નાંએ ગત તારીખ ૦૮/૧૦/૨૦૨૪નાં રોજ ડોલવણ પોલીસ મથકે અજાણ્યા બાઈક ચાલક સામે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરવામાં આવી હતી.