મનિષા એસ. સુર્યવંશી/તાપી : સોનગઢના સરજામલી ગામેથી ગેરકાયદેસર રીતે દેશી હાથ બનાવટની બંદુક સાથે એક ઈસમને ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી. તથા પેરોલ ફર્લો સ્કોર્ડ પોલીસ સ્ટાફના માણસોને તારીખ ૨૧/૦૧/૨૦૨૫ નારોજ ખાનગી રાહે સંયુક્ત રીતે બાતમી મળી હતી કે, સોનગઢ તાલુકાના સરજામલી દુધ ડેરી ફળીયામાં રહેતો વિશાલ ઇશ્વરભાઈ ગામીત નાએ પોતાના સરજામલી નિશાળ ફળીયામાં રહેતા મિત્ર આશીષભાઇ વસાવાના ખેતરમાં ઘાસના પુળીયામાં ગેરકાયદેસર દેશી હાથ બનાવટની બંદુક રાખેલ છે અને તે સગેવગે કરવાની તૈયારીમાં છે.

જે બાતમીના આધારે બાતમી હકીકતવાળી જગ્યાએ સરજામલી ગામે નિશાળ ફળીયામાં રહેતા આશીષભાઇ વસાવાના ખેતરવાળી જગ્યાએ આવતા ત્યાં આગળ પોલીસને જોઇ એક ઇસમ નાશવા જતા જેથી પોલીસે સ્થળ ઉપર જ ઈસમને પકડી પાડી આરોપી વિશાલ ઇશ્વરભાઈ ગામીત (ઉ.વ.૨૯.,રહે.સરજામલી ગામ, દૂધ ડેરી ફળીયુ, તા.સોનગઢ જી.તાપી., મુળ રહે.પીપળકુવા પાલીસકુવા ફળીયુ,  તા.સોનગઢ, જિ.તાપી)નાની પુછપરછ કરતા ગુરજીભાઈ જેઠીયાભાઈ વસાવા નાઓના માલીકીના ખેતરમાં ભાતના પુળિયામાં વગર લાયસન્સ પરવાના અને બિન અધિકૃત રીતે, પોતાના કબજામાં દેશી હાથ બનાવટની બંદુક જેની કિંમત રૂપિયા ૫,૦૦૦/- તથા શીશાની લંબગોળ ગોળી નંગ-૯ અને શીશાની ગોળ ગોળી નંગ-૧૨ તેમજ ફુટેલી કારતુસની બુલેટ નંગ-૫ અને બે પ્લાસ્ટીકની નાની બાટલીમાં દારુ ગોળાનો પાવડર એક બાટલીમાં આશરે ૫૦ ગ્રામ તથા બીજી બાટલીમાં ૨૦ ગ્રામ જેટલો મળી કૂલ ૭૦ ગ્રામ તથા એક લાલ કલરનુ ફુલ ડીઝાઇનવાળુ કાપડનો ટુકડો, એક બ્લ્યુ કલરનો ડીઝાઇનવાળો કાપડનો ટુકડો મળી કુલ રૂપિયા ૫,૦૦૦/-ના મુદ્દામાલ કબ્જે કરી અન્ય એક આરોપીઓને વોન્ટેડ જાહેર કરી પકડાયેલ આરોપી વિરૂધ્ધ આર્મ્સ એકટ કલમ ૨૫(૧-બી), (એ) તથા જી.પી. એકટ ૧૩૫ મુજબ કાયદેસરની કાર્યવાહી કરી આગળની વધુ તપાસ સારૂ સોનગઢ પોલીસ સ્ટેશન ખાતે સોંપવામાં આવેલ હતો.