ઉચ્છલના નારણપુર ગામની નેશુ નદીમાં માછલી પકડવા જતા 38 વર્ષીય પુરુષનું નદીના પાણીમાં ડૂબી જવાથી મોત નીપજ્યું હોવાનો બનાવ ઉચ્છલ પોલીસ મથકે દાખલ થયો છે.

મળતી માહિતી મુજબ ઉચ્છલ તાલુકાના નારણપૂર ગામની સિમ માંથી પસાર થતી નેશુ નદીમાં માછલી પકડવા માટે જતા ભગવાનભાઈ રામચંદ્રભાઈ ગીરાશે (ઉ.વ.38) રહે, નવાપુર જી.નંદુરબાર (મહારાષ્ટ્ર) નું નેશુ નદીના પાણી માં ડુબી જવાથી મોત નીપજ્યું હતું.

બનાવ અંગે મનોહરભાઈ રામચંદ્રભાઈ ગીરાશે ની ફરિયાદ ના આધારે આજરોજ ઉચ્છલ પોલીસ મથકે અકસ્માત મોત બનાવ રજિસ્ટર કરી આગળની વધુ તપાસ હાથ ધરવામાં આવી છે.