મનિષા એસ. સુર્યવંશી/તાપી : ઉકાઈ ગામનાં કેનાલનાં પુલ પાસે બાઈક સ્લીપ થઈ જતાં બાઈક ચાલકને ગંભીર ઈજા પહોંચતા ચાલકનું ગંભીર ઈજા પહોંચતા ઘટના સ્થળ પર મોત નિપજ્યું હતું. જયારે બે જણા ઈજાગ્રસ્ત થયા હતા. બનાવ અંગે પોલીસે ગુનો નોંધી તપાસ હાથ ધરી હતી. મળતી માહિતી મુજબ, સોનગઢનાં શેરૂલા ગામનાં મુનકિયા ફળીયામાં રહેતો પીયુષ બાલુભાઈ વસાવા નાંઓ તારીખ ૦૧/૦૧/૨૦૨૪ નાં રોજ પોતાના કબ્જાની KTM ડ્યુટ બાઈક નંબર જીજે/૧૬/સીઆર/૦૬૩૪ને નવી ઉકાઈ ગમે કેનાલનાં પુલ પાસે પુરઝડપે અને ગફલતભરી રીતે હંકારી લાવી રહ્યા હતા.

તે સમયે અચાનક રસ્તામાં કુતરું આવીએ જતાં બાઈક પરનો સ્ટેરીંગ પરનો કાબુ ગુમાવી દેતા બાઈક સ્લીપ થઈ ગઈ હતી. જેથી બાઈક પર સવાર ભાવેશભાઈ દિલીપભાઈ વસાવા (રહે.શેરૂલા ગામ, નિશાળ ફળિયું, સોનગઢ)ને શરીરે ડાબા હાથે કાંડા પાસે ફેકચર થતાં ઈજા પહોંચી હતી તેમજ ડાબા ખભાના ભાગે તથા પગના ઘૂંટણના ભાગે ઈજા પહોંચી હતી, જયારે હસમુખભાઈ ધારાસિંગભાઈ વસાવાને જમણી બાજુમાં પાંસળીનાં ભાગે ઈજાઓ પહોંચી હતી. જોકે બાઈક સ્લીપ થઈ જતાં બાઈક ચાલક પીયુષને માથાના ભાગે ગંભીર ઈજા પહોંચતા તેનું ઘટના સ્થળ ઉપર જ મોત નીપજયું હતું. બનાવ અંગે ભાવેશભાઈ દિલીપભાઈ વસાવાએ ઉકાઈ પોલીસ મથકે અકસ્માતનાં અંગે જાણ કરી હતી.