મનિષા એસ. સુર્યવંશી/વ્યારા : વાલોડનાં દેગામાં ગામ તરફથી આવતા રોડ ઉપર આવી બાજીપુરાથી વાલોડ તરફ જતા હાઇવે રોડ ઉપર આવતા ટાટા ટ્રક નંબર જીજે/૧૫/એટી/૨૫૪૯નાં ચાલકે પોતાના કબ્જાનો ટ્રક બાજીપુરાથી વાલોડ તરફ જતા રોડ ઉપર તારીખ ૦૨/૦૩/૨૦૨૩નાં રોજ પુરઝડપે અને ગફલતભરી રીતે હંકારી લાવી મન્સુરઅલી શૌકતઅલી નાઓની ટાટા ટ્રક નંબર જીજે/૧૮/ટી/૯૬૧૩ને ટક્કર મારતા અકસ્માત સર્જાયો હતો.

જોકે આ અકસ્માતમાં ટ્રકનાં ચાલક મન્સુરઅલી શૌકતઅલીને માથાનાં ભાગે તથા શરીરે ગંભીર ઈજા પહોંચતા સ્થળ ઉપર મોત નીપજ્યું હતું. બનાવ અંગે મોહમ્મદ વશીમ શેખની ફરિયાદના આધારે વાલોડ પોલીસ મથકે ફરાર થયેલ ચાલક વિરુદ્ધ ગુનો નોંધી આગળની વધુ તપાસ હાથ ધરી હતી.