મનિષા એસ. સુર્યવંશી/તાપી : તાપી જિલ્લાનાં ડોલવણ ગામનાં ન્હાણી ફળિયામાં રહેતો જૈમીન મુકેશભાઈ ચૌધરીની ઘરની બાજુમાં પાડેલ પજારીમાંથી વગર પાસ પરમિટે દારૂનો જથ્થો સગેવગે કરવાની પેરવીમાં મુકેલ ઈંગ્લીશ દારૂનાં જથ્થા સાથે એક ઈસમ ઝડપાયો હતો, જયારે એકને વોન્ટેડ જાહેર કરી આગળની કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, ડોલવણ પોલીસ સ્ટાફનાં માણસો તારીખ ૩૦/૧૨/૨૦૨૪ નાંરોજ ખાનગી વાહનમાં બેસી પેટ્રોલીગમાં હતા તે દરમિયાન ખાનગી રાહે બાતમી મળી હતી કે, ડોલવણ ગામનાં ન્હાણી ફળિયામાં રહેતો જૈમીન મુકેશભાઈ ચૌધરી નાંઓનાં ઘરે ડોલવણ ચાર રસ્તા ખાતે રહેતો શાહિલ ઉર્ફે નુનીયો ભરતભાઈ ચૌધરી નાંઓને મોટા પ્રમાણમાં જૈમીનનાં ઘરની પજારીમાં પ્રોહી. જથ્થો ઉતારેલ છે અને આ દારૂનો જથ્થો સગેવગે કરવાની પેરવીમાં છે.

જે બાતમીના આધારે પોલીસ સ્ટાફના માણસો બાતમીવાળી જગ્યા ઉપર પહોચતા ત્યાં જૈમીન મુકેશભાઈ ચૌધરી હાજર મળી આવતાં તેણે સાથે રાખી ઘરના પાછળનાં ભાગે તપાસ કરતા ત્યાંથી અલગ-અલગ પ્લાસ્ટિકની કોથળીમાં ભારતીય બનાવટનો અલગ અલગ બ્રાંડની ઈંગ્લીશ દારૂની નાની-મોટી મળી કુલ ૪૩૮ નંગ બોટલો મળી હતી જેની કુલ કિંમત રૂપિયા ૫૫,૬૬૯/- હતી. આમ, પોલીસે સ્થળ ઉપરથી ભારતીય બનાવટનો ઈંગ્લીશ દારૂનો જથ્થો અને નંબર પ્લેટ વગરની મોપેડ બાઈક મળી કુલ રૂપિયા ૮૫,૬૬૯/-નો મુદ્દામાલ કબજે કરવામાં આવ્યો હતો. બનાવ અંગે પોલીસ કર્મચારીની ફરિયાદનાં આધારે ઝડપાયેલ યુવક વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી, જયારે આ કામે એકને વોન્ટેડ જાહેર કરવામાં આવ્યો હતો.