સોનગઢના જુનાગામ પારેખ ફળીયામાં રહેતો ઈમરાન લિયાકત પઠાણ પોતાના ઓટલે બેસી વરલી મટકાનો જુગાર રમાડતા પોલીસના હાથે ઝડપાઈ ગયો હતો.

પોલીસને મળતી માહિતી મુજબ ઈમરાન પઠાણ મોબઈલ પર વોટ્સએપ એપ દ્વારા મુંબઈથી નીકળતા વરલી મટકાના આંક પર જુગાર રમાડે છે જેની બાતમીના  આધારે પોલીસે રેડ કરતા ઈમરા ઘરેથી મળી આવ્યો હતો અને વોટ્સએપ ચેક કરતા એમાં આંકડાઓ લખેલ મળી આવ્યા હતા. પોલીસે એની પાસેથી જુગાર રમાડી ભેગા કરેલ રોકડા રૂપિયા ૧૧,૫૬૦/- અને ૦૨ મોબઈલ જેની કીંમત ૧૦,૦૦૦/- એમ મળી કુલ ૨૧,૫૬૦/-રૂપિયાનો મુદ્દામાલ કબ્જે કરી લીધો હતો. આ બનાવમાં બોરીસાવરનો રાકેશ ગામિત અને સોનગઢનો પીપળ ફળીયામાં રહેતો અર્જુન મીશળ તથા આંકાડાનું કટિંગ લેનાર ભાવેશ જગદીશ શાહ રહે.આશીર્વાદ કોમ્પ્લેક્ષ, સોનગઢ ને વોન્ડેટ જાહેર કરવામાં આવ્યા હતા.