રાજ્યના નર્મદા જીલ્લામાં આવેલા આમલેથા પોલીસ સ્ટેશન વિસ્તારના ખામર ટી પોઇન્ટ પાસે આવેલ એગ્રો બિઝનેસ સેન્ટરના ગોડાઉનમાં થયેલ ચોરીમાં ગોધરાની કુખ્યાત તાડપત્રી ગેંગને નર્મદા એલસીબી પોલીસ દ્વારા ઝડપી પાડવામાં આવી છે. જ્યાં આ સમગ્ર મામલે પોલીસે ગેંગના મુખ્ય ૪ આરોપીને ઝડપી પાડી ગુજરાત તથા મહારાષ્ટ્ર તથા રાજસ્થાનનાં મળી એમ અન્ય ૯ ગુનાનો ભેદ ઉકેલી કાઢ્વામાં સફળતા હાથ લાગી છે.

જ્યાં મહત્વનું છેકે આહી પકડાયેલા ચાર આરોપીમાં ગોધરા રમખાણોના કેસમાંસંડોવાયેલ આજીવન કેદની સજા ભોગવતો કુખ્યાત ગુનેગાર પણ ઝડપાયો છે આ અંગે પોલીસ અધિક્ષક નર્મદા પ્રશાંત સુમ્બે દ્વારા ડિટેક્શન અંગેની પ્રેસ કોન્ફરન્સ યોજી હતી જેમાં જિલ્લા પોલીસ વડા પ્રશાંત સુમ્બેએ પત્રકારોને વિશેષ માહિતી આપતાં જણાવ્યું હતું કે નાંદોદ તાલુકાના ખામર ગામે એગ્રી બિઝનેશ સેન્ટર નામની દુકાનના તાળા ઠંડીની રાત્રે તૂટતા જેમાં દવા છાંટવાનો બેટરીવાળો પંપ, બોટ મશીન તથા જુદી જુદીજંતુનાશક દવા, આઇશર ટેમ્પા-૧ મળી કુલ કિ.રૂ. ૧૧લાખ ૧૫ હજાર ૬૫૭નો મુદ્દામાલ કબજે કર્યો છે.