અંકલેશ્વર શહેરમાં જર્જરિત મકાન અને એપાર્ટમેન્ટનો નગરપાલિકા દ્વારા સર્વે કરી અગમચેતીના ભાગરૂપે નોટિસ ફટકારવામાં આવી રહી છે. નગરપાલિકા દ્વારા શહેરના 58 જર્જરિત ઈમારતોના માલિકોને કોઈ હોનારત ન સર્જાય તે માટે વહેલીતકે ઈમારત ઉતારી લેવા નોટિસ પાઠવાય છે અને જે તે મિલકત ધારકને જર્જરિત મકાન ઉતારવા માટે નગરપાલિકાની મદદની જરૂર પડે તે માટે પણ પાલિકા તંત્રએ તૈયારી દર્શાવી છે. અંકલેશ્વર નગરપાલિકાના મુખ્ય અધિકારી કેશવ કોલડીયાએ જણાવ્યુ હતું કે, ચોમાસાના આગમન પૂર્વે શહેર વિસ્તારમાં પ્રિ-મોન્સૂન કામગીરીની સાથે શહેરમાં જર્જરિત મિલકતોનો સર્વે કરીને નોટિસ પાઠવવામાં આવી છે.