તાપી જિલ્લામાં ગુરુવારના રોજ કોરોનાનો એકપણ કેસ નોંધાયેલ નથી. જિલ્લામાં હવે માત્ર ૩ કેસ એક્ટિવ છે. આરોગ્ય વિભાગ પાસેથી મળતી માહિતી મુજબ, તારીખ ૨૪મી જુનના રોજ એકપણ નવો કેસ નોંધાયેલ નથી. જિલ્લામાંથી કોરોના વાયરસના શંકાસ્પદ દર્દીઓના ૫૪૬ સેમ્પલ લેવામાં આવ્યા છે. 

જિલ્લામાં આજદિન સુધી કોરોના પોઝીટીવના કુલ ૩૮૭૯ કેસો નોંધાઈ ચુક્યા છે. અત્યાર સુધી કુલ ૩૭૫૧ દર્દીઓ કોરોનાની સારવાર લઈ સાજા થયા છે. જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૦ દર્દીઓના મોત સાથે આજદિન સુધી જિલ્લામાં કુલ ૧૨૫ દર્દીઓના મોત નિપજ્યા છે.