સમગ્ર રાજ્યમાં કોરોનાનો કહેર ફેલાઈ રહ્યો છે. ત્યારે તાપી જીલ્લા માટે રાહતના સમાચાર મળી રહ્યા છે. જીલ્લામાં આજરોજ એકપણ પોઝીટીવ કેસ નોધાયો નથી. તા.27મી ઓગસ્ટ કોરોનાના કુલ 952 વ્યક્તિઓના સેમ્પલ ટેસ્ટ માટે લેવામાં આવ્યા હતા. આજરોજ તમામે તમામ વ્યક્તિઓના રીપોર્ટ નેગેટીવ આવ્યા છે. જયારે આજરોજ કોરોના વાયરસના શંકાસ્પદ દર્દીઓના 1002 સેમ્પલ ટેસ્ટ માટે લેવામાં આવ્યા છે તેમના રીપોર્ટ હજુ પેન્ડીંગ છે.

ઉલ્લેખનીય છે કે, જીલ્લામાં અત્યાર સુધી 285 પોઝીટીવ કેસ નોંધાયા છે. કોરોનાની સારવાર લઇ રહેલા 18 દર્દીઓના મોત નીપજ્યા છે, આજરોજ વધુ 4 દર્દીઓ સાજા થતા તેઓને રજા અપાઈ છે. આ સાથે કુલ 227 દર્દીઓ કોરોનાની સારવાર લઇ સાજા થતા ડિસ્ચાર્જ કરાયા છે. જીલ્લામાં હાલમાં 40 દર્દીઓ કોરોનાની સારવાર લઇ રહ્યા છે.