સુર્યવંશી મનિષા/નિઝર : તાપી પોલીસે બાતમીના આધારે, નિઝરના નીંભોરા ગામમાંથી બે કારમાં વિદેશી દારૂના મુદ્દામાલ સાથે ત્રણ આરોપીઓને ઝડપી પાડી કાયદેસરની કાર્યવાહી હાથ ધરી હતી.મળતી માહિતી અનુસાર, નિઝર તાલુકાનાં નીંભોરા ગામના વિસ્તારમાંથી તાપી પોલીસે મોડીરાત્રે કાર નંબર એમએચ/2/વાયએ/8806 અને નંબર જીજે/9/બીએ/7766 માંથી વિદેશી દારૂની કુલ 58 બોક્ષમાં ગોવા સ્પીરીટ ઓફ સ્મુથનેશ વ્હિસ્કી બ્રાન્ડવાળી કુલ 2,900 બોટલો સાથે 1. જગન્નનાથ મંગાભાઈ મોહને (ઉ.વ.33, રહે. દેવળફળિયું, નવાપુર, જિ.નંદુરબાર), 2. ચંદ્રસિંહ કુવરજીભાઈ વસાવા (ઉ.વ.26, રહે.મોટાસુકા ગામ, આંબા ફળિયું, તા.ડેડિયાપાડા, જિ.નર્મદા) અને 3. ક્લીનર દીપકભાઈ દગડુભાઈ શીમ્પી (ઉ.વ.31, રહે.ખાપર મરાઠી સ્કુલ પાછળ, શીમ્પીગલી, તા.અક્કલકુવા, જિ.નંદુરબાર)નાઓને ઝડપી પાડી વિદેશી દારૂ, 2 કાર તેમજ 3 નંગ મોબઈલ મળી કુલ રૂપિયા 8,95,000/-નો મુદ્દામાલ કબ્જે કરી દારૂનો મુદ્દામાલ પૂરો પાડનાર વિક્કી રવિભાઈ શિંદે (રહે.શીમ્પીગલી, ખાપર, તા.અક્કલકુવા, જિ.નંદુરબાર) નાને વોન્ટેડ જાહેર કરી પકડાયેલ આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી હતી.