કુકરમુંડાનાં મોરંબા ગામમાંથી દેશી દારૂના મુદ્દામાલ સાથે એક શખ્સને ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, નિઝર પોલીસ સ્ટાફના માણસો ખાનગી વાહનમાં બેસી પ્રોહી. ગુન્હા અંગેની રેઈડમાં નીકળેલા હતા. તે દરમિયાન મળેલ બાતમીના આધારે, મોરંબા ગામમાં રહેતો મનોજભાઈ છગનભાઈ વળવીએ વગર પાસ પરમિટે પોતાના ઘરની પાછળનાં ભાગે પ્લાસ્ટીકના કેનમાં સંતાડી મુકેલ દેશી દારૂનાં મુદ્દામાલ સાથે પોલીસ રેઈડમાં ઝડપાઈ ગયો હતો. બનાવ અંગે પોલીસ કોન્સ્ટેબલની ફરિયાદના આધારે મનોજ વળવી વિરુદ્ધ નિઝર પોલીસ મથકે ગુન્હો નોંધી કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)