સુરતનાં ઓલપાડ તાલુકાનાં સેગવા ગામની સીમમાં પોલીસની રેઇડ દરમ્યાન નવ જુગારીઓ ઝડપાઈ ગયા હતાં. જયારે બે જુગારીઓ ભાગી છૂટતાં પોલીસે બંન્નેને વોન્ટેડ જાહેર કરી કુલ રૂપિયા ૧,૭૨,૫૦૦/-નો મુદ્દામાલ કબ્જે કર્યો હતો. ઓલપાડ પોલીસ ગતરોજ પેટ્રોલિંગ કરી રહી હતી. ત્યારે બાતમી મળી હતી કે, સેગવા ગામની સીમમાં કોસમ ગામ તરફ જવાના ખેતરાળી રસ્તા ઉપર કેટલાક ઈસમો જુગાર રમી રહ્યા છે.

જેથી ત્યાં પોલીસે છાપો મારી લલ્લુ ભગવાન પટેલ અને અરવિંદ સોમા પટેલ (બને રહે.કંતારા ગામ, મણીનગર સોસાયટી), કામરેજ તાલુકાના અંત્રોલી ગામે નવા ફળીયામાં રહેતા જયંતિ સોમા કોળી અશ્વિન પ્રતાપસિંહ ચૌહાણ, વિનુ કનુ જાદવ તથા ટેકરા ફળીયાનો વૃદ્ધ નટવરસિંહ નાથુસિંહ બારોટ, વેચાણ મોહન વસાવા (રહે.સેગવા, મંદિર ફળીયું), ધવલ પ્રવિણ રાઠોડ તથા નવીન નગીન રાઠોડને ઝડપી લીધા હતાં. બે જુગારીઓ પૈકી તુટેલી નંબર પ્લેટવાળી બાઈકનો અજાણ્યો ચાલક તથા બાઈક નંબર જીજે/૦૫/ઈઆર/૯૬૯૪નાં અજાણ્યા ચાલકને વોન્ટેડ જાહેર કરાયો હતો. પોલીસે જુગારધામેથી દાવના રોકડા, અંગજડતીના રોકડા રૂપિયા ૪૪,૫૦૦/- ચાર મોબાઈલ ફોન તથા પાંચ બાઈક મળી કુલ રૂપિયા ૧,૭૨,૫૦૦/-નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.