વ્યારા નગરમાં આવેલ સીટી મોલ નજીક આવેલ અંજલિ ચેમ્બરના ચોથા માળેથી દારૂની બોટલો નીચે ફેંકતા રાહદારીના માથામાં વાગી હતી જેના કારણે રાહદારીને માથાના ભાગે ગંભીર ઈજા પહોંચતા ઈમરજન્સી સેવા ૧૦૮ની મદદથી સારવાર અર્થે લઇ જવામાં આવ્યો હતો.

સ્થાનિકો પાસેથી મળતી માહિતી મજબ વ્યારા નગરમાં આવેલ સીટી મોલ નજીક અંજલિ ચેમ્બરના ચોથા માળેથી તા.૫મી જુલાઈ ૨૦૨૩ નારોજ સાંજે અચાનક દારૂની બોટલો નીચે ફેંકવામાં આવી હતી,આ દરમિયાન નીચે ચાલતા-ચાલતા જઈ રહેલા રાહદારી શખ્સના માથામાં દારૂની બોટલ વાગતા શખ્સ ત્યાં જ જમીન ઉપર ઢળી પડ્યો હતો,જોકે અંજલિ ચેમ્બરના ચોથા માળેથી દારૂની બોટલો નીચે ફેંકનાર દારૂડિયાને પણ લોકો પકડી લાવ્યા હતા,જોતજોતામાં લોકોની ભીડ જામી ગઈ હતી,દરમિયાન કોઈકે ઈમરજન્સી સેવા ૧૦૮ને કોલ કરતા સ્થળ પર પહોંચેલી ૧૦૮ એમ્બ્યુલન્સમાં ઈજાગ્રસ્ત શખ્સ અને દારૂડિયાને પણ હોસ્પિટલ ખાતે લઇ જવામાં આવ્યો છે,દારૂની બોટલ જેના માથામાં વાગી હતી તે ઈજાગ્રસ્ત શખ્સનું નામ મહેશભાઈ ગામીત (ટાઉનશીપશીપ)માં દુકાન ચલાવતો હોવાનું જાણવા મળ્યું છે.તેમને નજીકની હોસ્પિટલમાં સારવાર અર્થે લઇ જવામાં આવ્યા હતા, જોકે બાદમાં દારૂની બોટલો ફેંકનાર દારૂડિયો ભરતભાઈ ચૌહાણ નામના શખ્સ વિરુદ્ધ વ્યારા પોલીસે ગુનો નોંધી કાયદેસરની કાર્યવાહી હાથ ધરી હોવાનું જાણવા મળ્યું છે.